يعني ايه بنت بجد؟! ============
صفحة 1 من اصل 1
يعني ايه بنت بجد؟! ============
* البنت اللي بجد..
... ... عمرها ما تضحك علي ولد أو تستغله وتوهمه انها بتحبه لمجرد أنها بتسلي وقتها او بتقضيها بفلوسه
* البنت اللي بجد..
تقدر تعتمد عليها وتغمض عنيك وتمشي وراها و تديها ضهرك وانت مطمن انها مش هتطعنك او تخونك .. ومتبقاش خايف لأنك عارف وواثق انها عمرها ما هتخونك
*البنت اللي بجد..
عمرها ما تنم على غيرها ولا تفضحه لمجرد انه احسن منها .. و يا سلام لو تطبق من تواضع لله رفعه او رحم الله امرؤ عرف قدر نفسه
* البنت اللي بجد..
عمرها ما تتخلي عن مسؤليه أو تتهرب منها او تهمل فى بيتها عشان تقضى مع الفرندز وقتها فى الكلوب و تكبد الراجل الشقيان مصاريف داده و شغاله دا غير مطالبها اللى مبتخلصش
* البنت اللي بجد..
عمرها ما تصاحب ولاد من ورا اهلها و تقول دول زى اخواتى و قال ايه احنا متحضرين و مش مهم كلام الناس
* البنت اللي بجد..
هى اللي أول ما الدنيا تقفل في وشك تلاقيها جنبك وف ضهرك وسندك .. تبص فى وشها تنسيك همومك .. تبتسم تنور حياتك ,, مش تضلمها و متبقاش عايز تروح عشان مش طالبه نكد
* البنت اللى بجد..
متبقاش همها انها تفرج الناس على مفتنها - ان وجدت - و مصره تثبت انها احلى و تبقى مبهرجه و مأفوره و فاكره نفسها اموره .. يعنى متبقاش رخيصة بتفرج نفسها لاى حد
* البنت اللي بجد..
هى اللى عمرها ما تكيد بين الناس و توقع بينهم لمجرد انها ضعيفه و حاسه بنقص تقوم تستغل كيد النسا و تولع بين الناس
* البنت اللي بجد..
هى اللى تعترف بالحقيقه ولو مره واحده و تعترف بغلطها مش تعند و تقفل مخها
ده الاعتراف بالحق فضيله
* البنت اللى بجد..
عمرها ما تتمنظر على اصحابها باللى ربنا فتح عليها بيه سواء مال او جمال
مش مصره انها تبان دايماً الافضل
* البنت اللي بجد..
عمرها ما تخلى جوزها يبص لغيرها ولو بص تشوف هى ناقصه ايه او غلطت فى ايه قبل ما تحاسبه
* البنت اللي بجد..
هى اللى تحسس جوزها برجولته و تقدر تعبه عشانها لان اللى مالوش كبير بيشترى كبير و اللى كبيره عالى بيعلى معاه ,,متحرجيش جوزك قدام الناس ,, مش معنى انه ماسك نفسه و مش عايز يجادل او يردلك عيبك انه ضعيف لا ده عاقل
* البنت اللي بجد..
هى اللي تقدر تستوعبك وقت ضعفك و تشيل عنك همك مش تزوده
* البنت اللي بجد..
عمرها ما تستغل حب واحد ليها عشان تضغط عليه و تمتصه
* البنت اللي بجد..
اللى تفهم ان الراجل ممكن ميجيبلهاش كل حاجه بس وجوده جنبها و تعبه عشانها كفايه لحد ما ربنا يفتح عليه ده مش مقصر
* البنت اللي بجد..
عمرها ما تكون نكديه ولا عقوقه ولا متشائمه مش تخلى خطيبها مش حنقول جوزها يندم و يقول لاصحابه متتسرعوش .. يعنى تشيل عنه لانه بيكافح عشانها مش تتعبه هى و اهلها بكلام فارغ
* البنت اللى بجد...
اللى تحمد ربنا على جوزها و متقارنوش بغيره و تفتكر ان زى ما فى احسن منه فى مليون احسن منها
* البنت اللى بجد...
اللى دايماً تحسن من نفسها و تحافظ على نفسها لجوزها مش تمشى معاه باسلوب خلاص اتدبس ومش هيعرف يخلص منى خلاص.. الخ
* البنت اللى بجد ...
اللى بتستقوى بجوزها مش تتمرد عليه و تفتكر نفسها اقوى
* البنت اللى بجد..
اللى متقدلش اى موضه و اي حاجه و خلاص لمجرد انها جديده و منتشره حتى لو مخالفه لدينها و عاداتها
* البنت اللي بجد..
مش عنين خضرا و شعر اصفر و جسم عريان
* البنت اللي بجد..
بتراعي ربنا في كل حاجه وبتعامل الناس كما يحب ان تعامل بتشوف واجبها ناحية ربنا قبل ما تدور على حقوقها من البشر
* البنت الي بجد..
مواقف وأفعال وحاجات كده أكبر من أنها تتوصف بكلام
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى