القمص بيشوي كامل

مين قال انا مش خاطئ مين قال انا احسن من غيري

كل انسان بيقول غيري بيعمل كده انا مش بعمل زيه
يكون اكيد انه اول انسان هيكون واقع في الي بيقول
انه مش بيعمله
... كلنا فينا كل الخطايا
كلنا فينا كل العيوب
كلنا فينا كل المشاكل النفسيه
كلنا فينا كل السقطات
كلنا فينا كل الافكار الشريره
كلنا فينا كل الرغبات الي هي عكس مشيئة الله
كلنا فينا كل التوجهات الخاطئة
كلنا فينا كل العبادات الوثنيه في انساننا الباطن

ولسة ربنا بيجي عندنا وبيقول انا الي انظفك ما تفكرش انك هتقدر لوحدك
حبي ليك بدون شروط عارف يعني ايه بدون شروط
يعني لو حتى وقعت في نفس الخطية الف مره ورجعتلي تايب
انا هقبلك لانه زمن مقبول عند الرب بدم ابنه يسوع المسيح
بعمرك ما تقول انا خاطئ ما استحقش اقرب من ربنا واكلمه
لانك بتجرحه بالكلمه دي
لانه هو جيه عشانك انت بالذاااااااااااااات فما تبعدش بنفسك
عنه لانه هو ما طلبش كده

هو طالب منك حاجه واحده بس تثــــــــــــــــق انك مهما كنت سيء
هو بيقبلك بس انت ما ترفضوش يساعدك وانك تعمل علاقة شخصيه كصديق معاه ، تكلمه يكلمك
والي لسه ما عرفش ان ربنا بيقبله بأي شكل من الاشكال
بيكون انسان تعيس ومسكين بكل معنى الكلمة

ما تجبش لنفسك التعاسه ، لان الرب ما طلبش منك البعد بل انك تقرب منه دايما وبكل عيوبك فما تقررش عنه سيبه هو يقرر امين

التوبةهي تأمل النفس في ذاتها وعدم النظر الي الآخرين ... لا توبة بلا ترك ، ولا حب بلا ترك . يانفسي هل تركت أحقاد قلبك من أجل يسوع ... وتركت لمن اساء اليك ، وتركت حب ظهورك ، ومحبة المديح ، والخوف من الناس ، ومحبة الذات ، ومحبة المال ، وشهوة الجسد ، ولذة الحواس ، والتعلق بشاب او شابة و ... كنيسة بلا توبة في حياة افرادها هي كنيسة بلا فرح ...